Lex Libertas rig formele brief aan president Cyril Ramaphosa oor die vervolging van minderhede

Pretoria — Lex Libertas het formeel aan President Cyril Ramaphosa geskryf en ’n vergadering versoek om Suid-Afrika se toenemende regeringskrisis en die behoefte aan betekenisvolle konstitusionele hervorming in die land te bespreek.

In die brief beskryf Dr. Ernst Roets, uitvoerende direkteur van Lex Libertas groeiende kommer oor verslegtende staatskapasiteit, stygende sosiale spanning en die toenemende persepsie – beide plaaslik en internasionaal – dat Suid-Afrika se huidige politieke orde nie meer lewensvatbaar is nie. Die organisasie voer aan dat hierdie uitdagings spruit uit 'n onvolhoubare, hoogs gesentraliseerde politieke stelsel wat nie rekening hou met Suid-Afrika se diversiteit en die reg van gemeenskappe om hul eie sake te regeer nie.

Lex Libertas het gevra vir ’n gesprek gefokus op desentralisasie, selfbestuur en praktiese stappe om stabiliteit en vertroue te herstel, insluitend die verbetering van verhoudings met belangrike internasionale vennote.

“Die doel van hierdie versoek is nie konfrontasie nie, maar ernstige gesprekvoering,” het dr. Ernst Roets, Uitvoerende Direkteur van Lex Libertas, gesê. “Suid-Afrika benodig besliste, goedertrou-dialoog wat op volhoubare oplossings gemik is.”

Die volledige brief is openbaar gemaak en kan hier gelees word.

Lex Libertas is 'n ideesentrum en voorspraakgroep wat werk aan 'n lewensvatbare politieke bedeling in Suid-Afrika, gebaseer op die beginsels van vryheid, desentralisasie en selfbestuur.

Om Lex Libertas te ondersteun, klik hier.