Lex Libertas Boekklub

'n Smeeplek van denke — waar ons in ons strewe na groter vlakke van vryheid ook ons vaardighede om soos vrye mense te dink slyp.

Oor die Boekklub

Die Lex Libertas-boekklub is 'n platform waardeur bydraers tot Lex Libertas die geleentheid het om hul kennis en insig te verbreed. Boeke word gekies om uiteenlopende temas te dek, wat geskiedenis, aktuele sake, filosofie en relevante fiksie insluit. Dit sal hedendaagse boeke van binne en buite Suid-Afrika insluit, asook van die groot boeke van die Westerse beskawing. Daar sal afgewissel word tussen maklike leesboeke en boeke wat meer tyd sal neem om onder die knie te kry. As deel van die boekklub sal resensies, artikels en ontledings van hierdie boeke versprei word vir bespreking. Daar sal ook fisiese- en aanlyngesprekke gereël word, waarby kundige sprekers van binne en buite Suid-Afrika betrek sal word. Die boekklub bied aan bydraers die geleentheid om gestruktureerd en as 'n gemeenskap sekere kwessies aan te pak wat ons beter toerus om aan die stryd om idees deel te neem terwyl ons Lex Libertas se visie vir 'n volhoubare politieke orde bevorder.

Maniere om Deel te Neem

Die bydraers van Lex Libertas kan op drie maniere aan die boekklub deelneem:

Informele Deelname

Informeel, deur op jou eie tyd slegs die boeke op ons lys te lees waarin jy belangstel. Jy sal steeds toegang tot artikels en resensies ontvang en jy sal steeds na byeenkomste genooi word.

Een boek per kwartaal

Dit behels dat jy dit vir jou as doelwit stel om gedurende 2026 vier boeke te lees. Dit is dus een boek per kwartaal. Daar sal besprekings oor elkeen van hierdie boeke gereël word. Die boeke sal in oorleg met die bydraers deur Lex Libertas bepaal word, op grond van die relevansie daarvan.

Twaalfboek-program

Dit behels dat jy dit vir jou as doelwit stel om gedurende 2026 twaalf boeke te lees. Daar sal nie besprekings vir elkeen van hierdie boeke gereël word nie, maar resensies en artikels sal oor elkeen van die boeke beskikbaar gestel word. Die boeke sal in oorleg met die bydraers deur Lex Libertas bepaal word, op grond van die relevansie daarvan.

Sluit aan by die Boekklub

Vul asseblief jou inligting hieronder op die vorm in as jy belangstel om in te skakel by die Lex Libertas Boekklub.

Menu