Support our mission
‘Om al hierdie mense tussen die kruise te sien loop, die name te sien lees en na die verhale van slagoffers te sien luister, was ’n buitengewoon aangrypende ervaring.’
Lex Libertas se Witkruisprojek-waak in Washington, D.C. was ’n groot sukses, met duisende mense wat die afgelope twee dae die uitstalling van 3 000 wit kruise ter nagedagtenis aan slagoffers van plaasmoorde in Suid-Afrika bygewoon het.
Die uitstalling het die hoogtepunt van die Witkruisprojek se program in Washington gevorm en is bygewoon deur lede van die publiek, ondersteuners van die projek, slagoffers en hul families, mediainstellings, navorsers en verteenwoordigers van ideesentrums, asook verteenwoordigers van die Withuis, die Amerikaanse Staatsdepartement en ander regeringsdepartemente.
‘Om al hierdie mense tussen die kruise te sien loop, die name te sien lees en na die verhale van slagoffers te sien luister, was ’n buitengewoon aangrypende ervaring,’ sê dr. Ernst Roets, uitvoerende direkteur van Lex Libertas.
Die Washington-program het ook die Witkruisprojek-konferensie by die National Press Club, die bekendstelling van die White Cross Project Campaign Report, vergaderings met die Amerikaanse regering en die publikasie van die dokumentêre rolprent Crossed Out: Confronting Persecution in South Africa ingesluit.
‘Ons het van die begin af duidelik gemaak dat ons eerste doelwit is om die harde werklikhede binne Suid-Afrika onmoontlik te maak om te ignoreer. Oor die afgelope twee dae het duisende mense hierdie werklikhede op ’n baie tasbare manier ervaar,’ sê Roets.
‘Die tweede, en belangrikste, doelwit is om die bewustheid en momentum wat deur hierdie projek geskep word, te gebruik om steun te werf vir kort- en langtermynoplossings vir die volke van Suid-Afrika. Met die oog hierop bevat die veldtogverslag ’n lys van twintig stappe wat onmiddellik deur die Suid-Afrikaanse regering gedoen kan word om die krisisse van aanhitsing tot geweld, plaasaanvalle, rasse-uitsluiting en bedreigings vir eiendomsreg aan te spreek.’
‘Verder verduidelik die verslag dat hierdie krisisse uit ’n dieperliggende probleem voortspruit: die politieke stelsel in Suid-Afrika het só gesentraliseer geraak dat dit van basiese werklikhede losgeraak het, vererger deur ’n algehele verlies aan aanspreeklikheid. Daarom voer Lex Libertas aan dat die langtermynoplossing in die bevordering van desentralisasie en selfbestuur lê. Tydens die konferensie en uitstalling is instellings, ondersteuners en die Amerikaanse regering aangemoedig om hierdie doelwitte te ondersteun,’ sê Roets.
Die 3 000 kruise is nou van die terrein verwyder, op vragmotors gelaai en sal na Suid-Afrika verskeep word. Lex Libertas beoog om aansoek te doen om toestemming om die uitstalling in Pretoria te herhaal, met die kruise wat voor die Uniegebou vertoon sal word.
Lex Libertas sal Maandag met verteenwoordigers van die Withuis vergader om hierdie kwessies in meer besonderhede te bespreek.
Roets het die publiek aangemoedig om as bydraers tot Lex Libertas aan te sluit om die instelling se vermoë te versterk om op hierdie optrede voort te bou.
Verken meer inhoud oor soortgelyke onderwerpe
‘Dit is nie genoeg om plaasaanvalle tot prioriteitsmisdade te verklaar nie. So 'n verklaring sal op sigself niks meer as 'n administratiewe formaliteit wees nie. Wat saak maak, is of praktiese stappe gedoen word om hierdie aanvalle te voorkom en die oortreders aan die pen te laat ry,’ het Roets gesê.
We therefore call on you to publicly and unequivocally condemn the attack on Mr Marx, and to express the government's commitment to combating farm attacks through practical and measurable interventions.
‘Die mees kommerwekkende aspek, ten spyte van die erns van die krisis, is dat dit die enigste misdaadverskynsel in Suid-Afrika is wat beide openlik aangemoedig en aktief ontken word deur van die invloedrykste politici in die land.’