Witkruisprojek bied groot internasionale konferensie en nagwaak met 3 000 kruise in Washington, D.C. aan

PRETORIA, NEW YORK, WASHINGTON, D.C. - Lex Libertas sal, in vennootskap met die New York Young Republican Club en verskeie Suid-Afrikaanse en internasionale vennote, die Witkruisprojek op 25 en 26 September in Washington, D.C. aanbied. Die projek sal vier onderling verwante temas uitlig wat verband hou met die krisis in Suid-Afrika:

• • politieke aanhitsing tot geweld teen minderhede;
• • plaasaanvalle en landelike veiligheid;
• • rasse-uitsluiting deur wetgewing; en
• • die bedreiging van eiendomsreg.

Hierdie temas sal gekombineer word met beleidsaanbevelings en langtermyn- grondwetlike oplossings wat op die beginsels van desentralisasie en selfbestuur gegrond is.

Op Vrydag 25 September sal die Witkruisprojek-konferensie by die National Press Club in Washington, D.C. plaasvind, met Suid-Afrikaanse en Amerikaanse sprekers, onder andere:

• • dr. Ernst Roets, uitvoerende direkteur van Lex Libertas;
• • mnr. Stefano Forte, president van die New York Young Republican Club;
• • mnr. David Ansara, uitvoerende hoof van die Free Market Foundation in Suid-Afrika;
• • dr. Martin van Staden, redakteur van die Race Law Index;
• • adv. Mark Oppenheimer, kampvegter vir vryheid van spraak en lid van die Johannesburgse Balie; en
• • dr. James Myburgh, redakteur van Politicsweb.

Verskeie slagoffers wat plaasaanvalle oorleef het, of wie se geliefdes tydens plaasaanvalle in Suid-Afrika vermoor is, sal ook aan die konferensie en nagwaak deelneem.

Uittreksels uit die komende dokumentêre rolprent Crossed Out: Confronting Persecution in South Africa sal as deel van die konferensieprogram vertoon word.

Op Saterdag 26 September sal ongeveer 3 000 wit kruise op die National Mall in Washington, D.C. opgerig word. Elke kruis sal die naam dra van ’n slagoffer wat tydens ’n plaasaanval in Suid-Afrika vermoor is.

Die media word uitgenooi om die konferensie en nagwaak by te woon. Geleenthede vir onderhoude met projekorganiseerders, sprekers en internasionale vennote sal beskikbaar wees.

Vir meer inligting oor die sprekers, klik hier.

Notas:

• • Lex Libertas is ’n onafhanklike Suid-Afrikaanse openbarebeleidsorganisasie wat grondwetlikheid, desentralisasie en gemeenskaps-selfbestuur bevorder.
• • Die New York Young Republican Club is die oudste en grootste Young Republican Club in die Verenigde State.
• • Die Witkruisprojek is ’n internasionale voorspraakinisiatief wat uit navorsing, dokumentêre rolprentvervaardiging, openbare geleenthede en beleidsbetrokkenheid bestaan. Die doel daarvan is om aandag te vestig op vier onderling verwante kwessies in Suid-Afrika en om sowel praktiese as langtermyn- grondwetlike oplossings te bevorder.