Support our mission
Lex Libertas verwelkom die minister se bereidwilligheid om in gesprek te tree, ondanks wesenlike politieke meningsverskille.
Die Minister van Grondhervorming en Landelike Ontwikkeling, Mzwanele Nyhontso, het Lex Libertas se versoek aanvaar om met hom te vergader oor rasse-uitsluiting by die toekenning en verhuring van landbougrond in staatsbesit. Die vergadering sal na verwagting in November plaasvind.
Lex Libertas verwelkom die minister se bereidwilligheid om in gesprek te tree, ondanks wesenlike politieke meningsverskille.
Die organisasie is tans besig om ’n verslag te finaliseer waarin die uitsluiting van wit burgers van geleenthede om landbougrond in staatsbesit te huur, gedokumenteer word. Die verslag ondersoek ook die breër patroon van rasgebaseerde wetgewing, die mislukking van bestaande grondhervormingsbeleide, valse narratiewe oor grondbesit in Suid-Afrika en 'n reeks moontlike oplossings vir die krisis.
Die verslag sal voor die vergadering gepubliseer word.
‘Ons waardeer die minister se bereidwilligheid om met ons in gesprek te tree. Hoewel ons fundamenteel oor grondhervorming verskil, glo ons daar behoort ruimte te wees vir konstruktiewe gesprekke oor die ontwikkeling van suksesvolle boere, die verhoging van landbouproduksie en die skep van werksgeleenthede,’ het Roets gesê.
‘Grondhervorming behoort bo alles gemeet te word aan hoeveel suksesvolle boere gevestig is. Ons glo dat samewerking tussen gevestigde en opkomende boere 'n belangrike rol kan speel om dit te verwesenlik.’
Lex Libertas se sentrale fokus is die bevordering van 'n werkbare politieke bestel vir die volke van Suid-Afrika. Die verslag sal dit duidelik stel dat politieke desentralisasie moontlik die enkele grootste stap is wat gedoen kan word om die grondhervormingskrisis in Suid-Afrika aan te pak.
Verken meer inhoud oor soortgelyke onderwerpe
‘Dit is nie genoeg om plaasaanvalle tot prioriteitsmisdade te verklaar nie. So 'n verklaring sal op sigself niks meer as 'n administratiewe formaliteit wees nie. Wat saak maak, is of praktiese stappe gedoen word om hierdie aanvalle te voorkom en die oortreders aan die pen te laat ry,’ het Roets gesê.
We therefore call on you to publicly and unequivocally condemn the attack on Mr Marx, and to express the government's commitment to combating farm attacks through practical and measurable interventions.
‘Die mees kommerwekkende aspek, ten spyte van die erns van die krisis, is dat dit die enigste misdaadverskynsel in Suid-Afrika is wat beide openlik aangemoedig en aktief ontken word deur van die invloedrykste politici in die land.’