NYYRC nooi Afrikanerleiers om heildronk in te stel by 113ste jaarlikse gala-aand

**New York Young Republican Club nooi Afrikanerleiers om heildronk in te stel by 113ste jaarlikse gala-aand** NEW YORK STAD, VSA — Die New York Young Republican Club (NYYRC) het aangekondig dat twee Afrikanerleiers uit Suid-Afrika as seremoniemeesters sal optree by dié klub se 113th jaarlikse galadinee, wat op 13 Desember 2025 in New York Stad sal plaasvind. Dr. Ernst Roets, uitvoerende direkteur van Lex Libertas, en Joost Strydom, hoof uitvoerende beampte van die Orania Beweging, het die uitnodiging aanvaar. Die NYYRC jaarlikse galadinee is ’n swartdas-geleentheid wat bygewoon word deur konserwatiewe en Republikeinse leiers van regoor die Verenigde State, met ook noemenswaardige internasionale gaste in bywoning. Vorige sprekers by hierdie geleentheid het President Donald Trump, Donald Trump jnr., Matt Gaetz, Steve Bannon en Nigel Farage ingesluit. Die President van die NYYRC, Stefano Forte, het gesê: “Die New York Young Republican Club is trots om saam met die Afrikaners te staan—verdedigers van geloof, familie en vryheid op ’n kontinent in onstuimigheid. Terwyl globaliste en Marxiste werk om geskiedenis uit te wis en nasionale identiteit te vernietig, het die Afrikaners standvastig gebly. Soos ons Klub hier in New York Stad, het hulle ’n vesting van Westerse beskawing uitgekap teen alle verwagtinge in. Ons sien uit daarna om Dr. Ernst Roets en Joost Strydom by ons Gala te verwelkom terwyl ons ’n glas lig op moed, tradisie en die wil om te volhard.” Dr. Roets het sy dankbaarheid vir die uitnodiging uitgespreek en dit beskryf as ’n geleentheid vir eendersdenkendes om idees en ervarings uit te ruil oor hul onderskeie strewe om die Westerse beskawing te bewaar. “Die NYYRC is ’n groot vriend van die Afrikaners. Ons verwelkom die geleentheid om bande en vriendskap tussen die Afrikaners en ons vriende in die Verenigde State te versterk.” Strydom het gesê: “Die NYYRC en Orania deel ten minste twee belangrike waardes: ’n liefde vir vryheid en ’n dapper nuwe benadering om dit te bereik. Dit is ’n groot eer om die Orania-visie te deel met sterk, beginselvaste vriende in die Verenigde State. Die uitnodiging om aan hierdie gesogte geleentheid deel te neem, word slegs oortref deur die belangrikheid om alliansies te smee met die regte soort vennote.” Oor die instellings:** * Die New York Young Republican Club, wat in 1911 gestig is met voorgangerorganisasies wat terugdateer na 1856, is die oudste en grootste Jong Republikeinse klub in die Verenigde State. * Lex Libertas is ’n nuutgestigde dinktenk en voorspraakgroep wat daarop gemik is om ’n volhoubare politieke bestel in Suid-Afrika te bevorder, gegrond op die beginsels van desentralisasie en selfbestuur. * Orania is ’n Afrikaner-kultuurgemeenskap in Suid-Afrika wat Afrikaner-selfbeskikking bevorder deur die skepping van ’n selfregerende gemeenskap waar Afrikaners kan floreer. Persone wat belangstel om die gala by te woon, kan kaartjies hier verkry: http://nyyrcgala2025.eventbrite.com